Силната инфлација, зголемените каматни стапки и непредвидливата економска перспектива ги погодуваат компаниите во Европа кои се одлучуваат да отпуштат работници, јавува Анадолија.
Кратењата на работните места на континентот се во пораст, особено со неодамнешните одлуки на телекомуникациските компании.
Отпуштањата ги погодуваат речиси сите сектори во Европа – технологијата, производството, а особено автомобилската индустрија.
Водафон минатата недела објави дека ќе укине 11.000 работни места во следните три години за да ги намали трошоците и да го забрза растот.
Компанијата, која има 104.000 вработени ширум светот, во март објави дека планира да отпушти 1.000 работници во Италија и 1.300 во Германија.
Шведскиот производител на телекомуникациска опрема Ериксон исто така ќе укине 8.500 работни места ширум светот, додека швајцарскиот производител на компјутерска опрема Logitech најави 300 отпуштања во март.
Нокиа планира да отпушти 208 вработени.
Volvo, Fiat, Jeep, Alfa Romeo и Maserati се меѓу компаниите кои планираат да го намалат бројот на работници.
Шведски Volvo планира да го реорганизира производството на автобуси и да отпушти 1.600 вработени.
