Цените на нафтата паднаа во средата на меѓународните пазари на околу 103 долари под притисок на стравувањата од рецесија која би ја намалила побарувачката на енергетски производи, а пад на вредноста се бележи и денеска.
Цената на барел нафта од типот Брент во моментов е 100,4 долари, додека вредноста на нафтата од Тексас WTI е 98,21 долари, според OilPrice.com.
Пазарите се вознемирени од загриженоста за можна рецесија, а дополнително ги кочи и зајакнувањето на доларот, што ја намалува и побарувачката бидејќи ја ограничува куповната моќ на клиентите со други валути, пишува агенцијата Мина.
„Движењето на цените преку ноќ и нивното осцилирање на фјучерс договорите на лондонскиот и американскиот пазар во опсег од речиси 15 долари е повеќе знак на паника и присилна ликвидација (позиции) отколку на структурни промени во односот меѓу понудата и побарувачката во светот “, вели Џефри Хали од корпорацијата ОАНДА.