Wizzair воведува директни линии до пет европски градови

30

wizzair

Нискобуџетната авиокомпанија Wizzair од утре од аеродромот Александар Велики во Скопје воведува директни авиолинии до европските градови Барселона, Осло, Нирнберг, Хамбург и Фридихшафен. До петте нови дестинации авиопревозникот ќе оперира двапати неделно, пишува Миа.

Од аеродромот Св. Апостол Павле од Охрид, пак, од задутре, авиокомпанијата ќе воведе директен лет до Базел, исто така два пати неделно.

На новите шест авиолинии Wizzair ќе оперира со субвенции од македонската Влада, согласно договорот со Министерството за транспорт и врски.

Во изминатиот период преку Проектот за доделување финансиска поддршка на нови авиолинии беа воведени директни летови кон: Малме, Базел –Милхаусен, Милано –Бергамо, Ајндховен, Дортмунд, Меминген, Минхен, Стокхолм, Гетеборг, Лондон – Лутон, Венеција, Франкфурт, Париз, Брисел, Келн и Рим.