Компаниите од кинескиот сектор за електрични возила (EV) минатата година инвестираа повеќе капитал во странство за прв пат отколку на домашниот пазар, според извештај објавен од њујоршката група „Родиум“.
Според извештајот, вкупната вредност на странските инвестиции достигна околу 16 милијарди долари, главно во фабрики за производство на батерии, додека нешто помалку е инвестирано во Кина – околу 15 милијарди долари, пренесува „Танјуг.рс“.
Истражувачите проценуваат дека овие бројки претставуваат „историски пресврт“, бидејќи во претходните години околу 80 проценти од инвестициите на компаниите беа насочени кон Кина, објавува „Блумберг“.