За време на празниците Американците потрошиле половина од лани

12

Прометот во американската малопродажба порасна во претпразничниот период за половина од 2022 година, открива Mastercard, посочувајќи дека граѓаните се фокусирале на поволни онлајн понуди и попусти кон крајот на сезоната на шопинг.

Во периодот од 1 ноември до 24 декември прометот пораснал за 3,1 отсто, пресметале во Mastercard. Во истиот период лани тој скокнал за 7,6 отсто.

Бројката се заснова на продажната активност во платежната мрежа на Mastercard и проценките добиени од анкетите за готовина и чек и не е приспособена за инфлацијата.

Продажбата на мало преку Интернет порасна за 6,3 отсто, по 10,6 отсто раст во 2022 година. Во физичките продавници е зголемена за 2,2 отсто.

Граѓаните пред празниците најмногу потрошиле на облека, според порастот на прометот од 2,4 отсто. Продажбата на накит и електроника падна за два отсто, односно за 0,4 отсто.

Во услужниот сектор се истакнаа рестораните, при што прометот е зголемен за 7,8 отсто.

„Потрошувачите купуваа многу внимателно оваа празнична сезона“, заклучи Мишел Мајер, главен економист во Економскиот институт на MasterCard.