За време на суспензијата на американските санкции, Иран успеа да извезе приближно 70 милиони барели нафта во вредност помеѓу пет и шест милијарди долари, објави „Волстрит џурнал“, повикувајќи се на податоци од невладината организација „Обединети против нуклеарен Иран“.
Според податоците достапни на оваа организација, помеѓу средината на јуни и средината на јули, околу 20 ирански танкери се упатиле кон Азија.
На 22 јуни, Канцеларијата за контрола на странски средства (OFAC) при Министерството за финансии на САД објави документ со кој се потврдува дека Соединетите Американски Држави издале општа лиценца за производство, снабдување и продажба на иранска нафта и нафтени деривати.
На 7 јули, Министерството за финансии на САД ја откажа општата дозвола издадена во јуни, со која се ублажија санкциите на САД врз иранскиот нафтен сектор до 21 август, и се забранија нови операции во тој сектор, пренесува „Танјуг“.