Загадениот воздух ја чини Европа 166 милијарди евра годишно, стои во студијата на CE Delft од Брисел, којшто ги испитува трошоците за прерана смрт, болест и изгубени работни места поради нечист воздух во 432 градови во Европа.
Студијата предвид зема три важни фактори што го загадуваат воздухот: честички, јаглерод диоксид и озон, како и трошоците поврзани со лекување, намалување на животниот век или болест.
Лондон е европска престолнина со највисоки трошоци поврзани со загадувањето од 11,4 милијарди евра, по што следуваат Букурешт и Берлин.
Загадувањето на воздухот е директен “виновник“ за околу 480.000 прерани смртни случаи во Европа, а тие бројки би можеле да бидат уште поголеми.
Се верува дека загадувањето на воздухот во градовите е поради неколку фактори – превоз, греење на домовите или индустриски и земјоделски активности. Иако е тешко да се прецизира кој сектор е најголем загадувач, студијата го третира превозот и проценува дека бројот на автомобили во градовите за само 1% ги зголемува социјалните трошоци за скоро 0,5%.
Фото: Freepik