Ко-основачот на Facebook, Марк Закерберг, го продаде својот дом во Сан Франциско за 31 милион долари, што го прави најскапата продажба на домови во градот оваа година, објавија The Real Deal и Bloomberg.
Извршниот директор на Meta Platforms ќе добие повеќе од три пати поголем износ за имотот од приближно 10 милиони долари што го плати за него во ноември 2012 година, според податоците на Redfin.
Имотот се наоѓа во затскриената населба Либерти Хил веднаш до паркот Долорес. Куќата од 650 квадратни метри се наоѓа во близина на болница во Сан Франциско, именувана по Закерберг, по голема донација од него. Имотот е изграден во 1928 година и зафаќа парцела со површина од над 1 акр.
Закерберг го купи имотот неколку месеци откако Facebook излезе на берза. Во 2013 година, тој и неговата сопруга, Присила Чан, започнаа проект за реновирање од повеќе милиони долари, со подобрувања, вклучувајќи перална, соба за вино, оранжерија и бар, меѓу другите надградби.
Со текот на годините, од соседите на Закерберг беа упатени бројни поплаки за бучавата и прашината од градежните активности. Во 2016 година, некои соседи се пожалија на обезбедувањето на милијардерот што непрописно паркирале пред неговиот дом.
Технолошкиот милијардер поседува уште неколку имоти во Силиконската долина, езерото Тахо и Хавајските острови.
