Залихите на нафта стануваат „потенки“, цената на нафтата на лондонскиот пазар скокна за повеќе од 11 отсто

55

Цените на нафтата на светските берзи драстично пораснаа минатата недела, откако паѓаа две недели, бидејќи трговците се загрижени за можни нарушувања во снабдувањето, додека светските залихи на нафта паднаа на најниско ниво од 2014 година.

Цената на барелот на лондонскиот пазар минатата недела скокна за 11,7 отсто, на 120,65 долари, додека на американскиот пазар барелот порасна за 8,8 отсто на 113,90 долари.

Трговците минатата недела беа загрижени поради прекинот на извозот на руска и казахстанска нафта преку терминалот CPC на рускиот брег на Црното Море, кој беше оштетен во невремето.

Санкции кон Русија

Во фокусот на трговците биле и разговорите во ЕУ за воведување ембарго за увоз на руска нафта.

Прашањето за приклучување кон американското ембарго ги подели министрите за надворешни работи на ЕУ. Некои земји, вклучително и Германија, предупредуваат дека Унијата не може да се справи со последиците од таквиот потег бидејќи е премногу зависна од руските фосилни горива.

Извори од Организацијата на земјите извознички на нафта (ОПЕК) изјавија дека претставниците на групата веруваат дека забраната на руската нафта во ЕУ ќе им наштети на потрошувачите и дека тие го пренеле овој страв до Брисел.

Зголемените цени беа донекаде спречени со сигналите дека САД и нивните сојузници би можеле да продолжат со координирана продажба на нафта од стратешките резерви за да ги смират пазарите и да ги смират стравувањата поттикнати од руската инвазија на Украина и западните санкции кон Москва.

Глобалните залихи моментално се на најниско ниво од 2014 година, па аналитичарите предупредуваат дека пазарот и понатаму е ранлив на можни шокови во понудата.