Започна изградбата на гасоводот ТАНАП

22

tanap map

Во турската провинција Карс, на свечена церемонија, вчера беа поставени темелите за изградба на Трансанадолскиот гасовод (ТАНАП). На церемонијата присуствуваа претседателите на Азербејџан, Турција и Грузија, Алхам Алијев, Реџеп Таип Ердоган и Георги Маргвелашвили, како и други високи претставници на институции, пишува Хуријет.

Гасоводот со должина од 1.850 километри е предвиден за транспорт на гас од Азербејџан преку Грузија и Турција кон границите на Грција и Бугарија. Вредноста на проектот ТАНАП се проценува на 10-11 милијарди долари.

Првата количина гас треба да почне да се испорачува 2018 година (16 милијарди метри кубни годишно), а до 2026 година е предвидено капацитетот да порасне на предвидените 31 милијарда метри кубни годишно.

Учесници во проектот се Државната нафтена компанија на Азербејџан SOCAR со 58%, Бритиш Петролеум со 12% и турската нафтена компанија Боташ со 30%.