Бизнис инфо ве води на најголемиот континент во светот каде луксузот не заостанува, особено во Хонг Конг, Индија и Саудиска Арабија. Кои се најбогатите луѓе во Азија и на што се должи нивното богатство… во продолжение.
Роберт Куок, Малезија
Вредност 12,4 милијарди долари
Освен од многуте бизниси во Малезија, компаниите на Куок инвестираат и во многу земји низ Азија. Неговите бизнис интереси се движат од шеќерна трска, храна за животни, пронаоѓање на нафта, па се до хотелиерство. Оженет, татко на осум деца.
Мухамед Ал Амуди, Саудиска Арабија
Вредност 12,5 милијарди долари
Поголемиот дел од богатството на Амуди се должи на инвестициите во бизнисот со недвижнини. Тој е сопственик на рафинерии во Шведска и Мароко и исто така придонесува многу за земјоделието во Етиопија. Оженет, татко на осум деца.
Ченг Ју-тунг, Хонг Конг
Вредност 16 милијарди долари
Богатството на Ченг доаѓа од бизнисот со недвижнини, тој е сопственик е на Chow Tai Fook Enterprises, интернационална компанија. Сепак главниот извор на средства на овој богат човек е од бизнис со накит. Оженет, татко на четири деца.
Принцот Алвалид Бин Талал Алсуд, Саудиска Арабија
Вредност 18 милијарди долари
Арапскиот Ворен Бафет е член на кралското семејство на Саудиска Арабија. Освен од семејното богатство принцот своите пари ги добива и од инвестирање во недвижнини и тргување со акции. Оженет, татко на две деца.
Ли Шау Ки, Хонг Конг
Вредност 18 милијрди долари
Своето богатво Ли го темели на профитот на неговите холдинзи, како и на тргувањето со акции. Разведен, татко на пет деца.
Томас и Рејмонд Квок, Хонг Конг
Вредност 18,3 милијарди долари
Овие браќа поседуваат дел од телекомуникацискиот оператор смартфон-водафон, како и градската автобуска станица. Фамилијата Квок исто така се занимава и со недвижнини.
Лакшми Митал, Индија
Вредност 20,7 милијарди долари
Митал е одговорен за бизнисот со челик во Индија, извршен директор и основач на на компанијата Arcelor Mittal. Оженет, татко на две деца.
Мукеш Амбани, Индија
Вредност 22,3 милијарди долари
Амбани е сопственик на најпознатата компанија во Индија за петрохемикалии, нафта и гас. Оженет, татко на три деца.
Ли Ка-Шинг, Хонг Конг
Вредност 25,5 милијарди долари
Ка-Шинг е претседател на Hutchison Whampoa Limited (HWL) и холдингот Cheung Kong. Тој е најголемиот светски трговец на производи за убавина и здравје. Вдовец, татко на две деца.
