Компаниите Cisco и iRobot наскоро ќе претстават нов робот на пазарот, Ava 500, кој се контролира преку iPad апликација. Едноставно, се избира дестинација на мапата или име од листата на вработените и роботот сам ќе се “дотркала” до таму, притоа избегнувајќи ги предметите и луѓето на патот со помош на сензори.
Роботот Ava 500 е наменет пред се за бизнисот, за одржување на состаноци меѓу колеги од фирми што имаат канцеларии на повеќе локации, преку големиот монитор чија висина се прилагодува. Кога состанокот ќе заврши, роботот се враќа во својата база за полнење.
Компаниите не откриваат која ќе биде цената за овој робот кој на пазарот ќе се појави следната година.
