Жителите на Финска, трета година по ред, се најсреќни во целиот свет, покажува извештајот The World Happiness Report.
Меѓу петте најсреќни земји во светот, според овој извештај, се и: Данска, Швајцарија, Исланд и Норвешка.
Среќата на секоја земја се мери преку неколку параметри: бруто домашен производ по глава жител, социјална поддршка, здрав животен век, слобода, великодушност и помалку застапеност на корупција.
Од земјите во регионот, според извештајот, највисоко е рангирана Словенија на 33-то место. Србија е следна на 64-та позиција, Босна и Херцеговина е пет места подолу, додека Црна Гора се најде на 72-ро место. Грција е на 77-мо место, Хрватска е две места подолу, додека Македонија е 90-та од вкупно 153 земји.
На дното на листата, како најмалку среќни се најдоа: Авганистан, Јужен Судан, Зимбабве, Руанда и Централноафриканска Република.
Фото: Pixabay