Советот на Централната банка на Црна Гора на вчерашната седница донесе решение за издавање на дозвола за работа на Зираат Банка Монтенегро АД Подгорица.
Турската Зираат банка во декември минатата година аплицираше за добивање лиценца за работа во Црна Гора.
Зираат банка е најголема и најстара турска банка и присутна е во 19 држави во светот, а на почетокот на оваа година се прошири и на пазарот во Азербејџан. Зираат банка вработува повеќе од 24.000 луѓе во 1.700 филијали, од кои 57 се во странство, во земји како Германија, Босна и Херцеговина, Казахстан, Русија, Велика Британија, САД, Грузија, Бугарија и Грција.