Лековите за слабеење по кои посегнале милиони луѓе ширум светот може да им донесат на фармацевтските компании околу 150 милијарди долари до почетокот на 2030-тите.
Најновите проценки се резултат на растот на производството, потенцијалното проширување на употребата на лекови и појавата на нови конкуренти, пишува Ројтерс. Пред една година проценката на продажбата беше до 100 милијарди долари.
„Многу е невообичаено да се има лек што ја заробува имагинацијата на милиони луѓе“, рече Мајкл Клајнрок, виш директор за истражување во аналитичката фирма IQVIA Institute for Data Science.
Глобалното трошење за лекови за дебелина изнесуваше вкупно 24 милијарди долари минатата година, проценува IQVIA во својата најнова петгодишна перспектива и би можела да достигне 131 милијарда долари до 2028 година.
Ова е проценка за годишен раст од 27 отсто, што е повеќе од двојно од претходната проекција од 13 отсто.
