Европските и американските берзански индекси денеска се нерамномерни, златото поскапе, а цената на нафтата и пченицата падна.
Во 11:00 часот ќе бидат објавени прелиминарните податоци за стапката на економски раст на еврозоната во вториот квартал од 2024 година, што секако ќе влијае на движењата на берзите.
Според податоците на берзата, цената на суровата нафта паднала на 75.638 долари, а на нафтата од типот „брент“ на 79.418 долари.
На отворањето на берзата ТТФ европските фјучерси на гас се продаваа по цена од 33,9 евра за мегават-час.
Цената на златото порасна на 2.389,61 долари за унца, а цената на пченицата падна на 5,2517 долари за бушел (бушел е еднаков на 27,216 кг).
