Фото: Pixabay
Размислувате да тргнете по претприемачкиот пат и се прашувате дали сте подготвени за првиот чекор. Во продолжение неколку знаци што ќе ви покажат дали е време за сопствен бизнис.
Верувате вистински во својата идеја
Штом ќе започнете со својата претприемачка авантура, ќе наидете на многу одбивања и затворени врати. За да успеете треба цврсто да верувате во тоа што го нудите, само така ќе имате доволно сила да се спротивставите на бурите што ќе следат.
Веќе имате производ/услуга со добро разработен пазар
Бизнисот успева кога она што го сакате се совпаѓа со потребите на клиентите и нивната подготвеност да платат за тоа. Пред да дадете отказ на работа и да започнете со сопствен бизнис, бидете сигурни дека вашиот производ/услуга веќе има потенцијални купувачи.
Имате план
Имате добро разработен план за тоа што сакате да постигнете, кога и како. Јасно ви е што можете да правите и до каде сте способни да одите. Планот не мора да биде строга форма на пишан документ, доволно е една добра ментална слика со насоки што водат до целта.
Подготвени сте за многу нови лекции
Започнувањето на свој бизнис бара многу знаење, а до него ќе стигнете само ако сте подготвени да учите и да не престанете во ниеден момент. Ќе бидете изненадени што сè ќе дознаете за себе, за пазарот, за индустријата кон која планирате да се приклучите.
Можете да се соочите со стравот од неуспех
Оние што се плашат не можат да имаат успешен бизнис. Нормално е секој понекогаш да почувствува страв, но ако не можете да се соочите со него, не сте подготвени да бидете претприемач.
Ги разбирате ризиците од водење на бизнис
Можно е никогаш да не остварите профит, но можно е да направите толку голем успех што нема да можете да го поднесете. Подготвеноста да се разберат и менаџираат овие ризици е знак дека сте подготвени да ја започнете авантурата.
Имате искуство во индустријата
Ако веќе имате одредено искуство во индустријата во која планирате да се одвиваат вашите претприемачки чекори, тоа би било од голема помош, во спротивно направете ги потребните истражување и не започнувајте ништо додека не ги добиете вистинските информации.
Умеете да го менаџирате своето време
Да се има сопствен бизнис подразбира да се биде и сопствен шеф, да се има добра дисциплина и успешно да се менаџира сопственото време. Ако сте го совладале ова можете да продолжите напред.
