Зошто Јапонија е дом на најстарите компании во светот – има 52.000 компании стари повеќе од еден век

70

Во Јапонија има голем број на компании кои постојат повеќе од 100 години, кои на јапонски се нарекуваат shinise. Некои од најстарите компании во светот се во оваа земја.

Храмот Шинтено-џи е еден од најважните будистички храмови во Осака. Изграден е во шестиот век, за време на владеењето на принцот Шотоку. Храмот немаше да опстане толку долго доколку не се грижеше внимателно. Последен пат е реконструиран во 1963 година.

Посетителите на храмот се задоволни од него поради спокојството што го чувствуваат за време на престојот и неговиот амбиент во средината на третиот по големина град во Јапонија. Сепак, информациите кои можеби остануваат непознати за повеќето посетители се дека храмот го изградила компанија која постои со векови.

Станува збор за компанијата Конго Гуми, која е основана во 578 година, а изградбата на храмот била нејзин прв проект. Се смета за најстарата компанија во светот.

Конго Гуми не е единствената јапонска компанија која е меѓу најстарите во светот. Според Гинисовата книга на рекорди, најстариот хотел во светот е исто така во Јапонија. Нишијама Онсен Кеиункан е хотел отворен во 705 година во Јаманаши, префектура надвор од Токио.

Најстарата чајџилница во светот, Tsuen Tea, го сварил првиот пијалок во Токио во 1160 година. Најстарата компанија што излезе на берза е јапонската градежна компанија Matusi Kensetsu, која постои од 1586 година. Во Јапонија има 52.000 компании стари повеќе од еден век.

Во 2008 година, Банката на Кореја спроведе меѓународно истражување кое покажа дека 56 отсто од 5.586 компании постари од 200 години се лоцирани во Јапонија.

Зошто јапонските компании се меѓу најстарите во светот

Јапонските компании кои се стари повеќе од еден век се главно прашање на доверба и богатство. Една од карактеристиките на многу од овие компании е тоа што се во семејна сопственост. Извршниот директор на Oceanbridge Management, Масако Егучи-Бекон истакна дека концептот на семејна сопственост има силно влијание врз јапонските компании.

Како што пишува бизнис порталот CEO Magazine, традицијата и стабилноста се пред профитот и растот на компаниите кои се ориентирани кон ризик, од кои една четвртина имаат доволно пари во резерви за финансирање на операциите во следните две години.

Со преземање долгорочен пристап, компаниите успеваат да управуваат со природни катастрофи, војни и настани како што е неодамнешната пандемија на коронавирус. Ваквиот пристап подразбира дека не смее да се занемари односот кон акционерите и кон заедницата во целина.

Некои од јапонските компании со долга традиција се и оние кои работат низ целиот свет. Меѓу нив е и Nintendo која е основана во 1889 година како компанија за карти за играње. Така, Nintendo од правење карти за играње премина во правење видео игри. Како што рече професорот Гото, успешната диверзификација е секогаш поврзана со оригиналниот бизнис.

Предизвици на модерното време

Што се случува кога семејството нема наследник кој ќе го преземе управувањето со компанијата или кога семејниот наследник не сака да го преземе управувањето со компанијата? Тоа е предизвик кој традиционално се решава со посвојување наследник, т.е. управувањето со компанијата е препуштено на некој кој не е член на семејството.

Така беше во неколку компании, меѓу кои Панасоник, Тојота и Сузуки, чиј сегашен претседател Осаму Сузуки е четвртиот посвоен син кој го презема раководството на компанијата. Лидерството порано им се оставаше само на мажите, но Егучи-Бекон смета дека сега може да им се остави и на жените.

Сепак, јапонското население старее. Според последните официјални податоци, 10 отсто од населението се постари од 80 години. Егучи-Бекон посочи дека тоа го отежнува пронаоѓањето на соодветен наследник.