Фото: Pexels
Конструктивните критики се добри, но како да се соочите со нив, а да не го подигнете одбранбениот механизам? Кога ќе се соочат со критика некои сакаат да побегнат, а други да возвратат на ударот. Важно е да знаете дека критиката носи многу предности. Затоа, ограничите ја природната тенденција да се браните од неа, а кога ќе ја прифатите ќе бидете поблиску до успех.
Критиката ви помага да се подобрите
Критиката ви помага да се подобрите, а не да ве врати назад. Никој не е совршен и на сите им треба храброст за да признаат дека треба уште многу да учат. Критиката нека ви служи како потсетник до каде сте стигнати. Замислете дека создавате одреден производ или вложувате во нешто без никаков потсетник. Тогаш не би знаеле дали се наоѓате на вистинскиот пат.
Критиката помага да се поврзете подлабоко со другите
Критиката дава информација што е неопходна за напредување во животот. Таа помага подлабоко да се поврзете со другите луѓе. Позитивната критика информира каков впечаток имаат другите луѓе кон вас и како да бидете подобра личност.
Најдобро е критиката да ја прифатите како покана за продлабочување на односите. Сфатете дека и на другите им треба храброст за да упатат критика. Ако не ја вреднуваат врската со вас не би ви упатиле критика. Затоа, ценете ја секоја критика и гледајте на неа како шанса за подлабоко поврзување со другите.
Критиката е клуч за успех
Не барајте само пофалби, туку согледајте ги сите придобивки што ги носи критиката. Може да загубите многу ако ја игнорирате, негирате или борите против неа.
