Летото е време на голема топлина и суша, а сето ова е добра основа за пожари.
Изворите на пожар можат да бидат различни, од природни до пиромани кои уживаат во елементите на пожарот. Но, сега во Шпанија, агентите за заштита на животната средина во Андалузија издадоа интересно предупредување – паркирањето автомобил на сува вегетација, особено по долго патување, исто така може да биде опасно.
Причината за овој ризик е во издувниот систем, поточно во катализаторот, компонента дизајнирана да го намали загадувањето што го емитуваат возилата. За време на нормалното работење, овој елемент може да достигне високи температури кои се движат од 400 до 800 степени Целзиусови, што предизвикува просторот под возилото значително да се загрее. По патување од неколку километри, топлината на дното на возилото може да достигне 300 степени. Ако автомобилот е паркиран на сува трева, оваа топлина е доволна за да почне да ја гори вегетацијата во рок од неколку секунди.
Наједноставната мерка за избегнување на овој вид пожар е да не се паркираат возила надвор од означените области, особено на места каде што има сува вегетација.
Фото:Pixabay