Игор Лобанов, дизајнер на јахти од Лондон, пред јавноста го претстави својот најнов модел, супер јахтата наречена Star (Ѕвезда).
Ова уникатно превозно средство ќе биде еден вид луксузен хотел на осум ката, а ќе го изработи лондонската компанија специјализирана за јахти и бродови, BMT Nigel Gee.
Фасадата на јахтата, која ќе изгледа како делумно потоната ѕвезда, ќе биде изработена од проѕирен материјал кој многу ќе потсетува на небесното тело.
Пловечкиот хотел ќе биде со all inclusive услуга. Неговата висина ќе изнесува 132, а должината 60 метри. На осмиот кат ќе има палуба со неверојатен поглед, гостите ќе се возат во стаклени лифтови, а исто така ќе има и приватен хелиодром.
Star ќе може да смести повеќе од 200 гости за дневна забава, а 36 ќе можат и да преспијат во луксузниот хотел, Ѕвездата на океанот.
