📽Името е Denza, Z9GT Denza: Даниел Крег во реклама за кинески автомобил

Кинескиот производител на електрични возила BYD  привлече широко меѓународно внимание откако претстави нова рекламна кампања за својот премиум бренд „denza“ во која се појавува британскиот актер Даниел Крег, познат по улогата на британскиот агент 007 Џејмс Бонд.

Во реклама за моделот Z9GT, Крег е прикажан зад воланот на возилото со порака за промена и адаптација, што е дел од глобалната стратегија на компанијата за зајакнување на своето присуство на европските и другите западни пазари, објавува „Глобал тајмс“.

Кампањата предизвика мешани реакции на интернет, бидејќи некои корисници изразија изненадување или скептицизам дека актерот кој е синоним за британскиот агент 007 промовира кинески автомобил, додека други ја оценија рекламата како стилски и ефикасен маркетиншки потег.