Нивото на готовина во американското Министерство за финансии паѓа на опасно ниски нивоа додека Вашингтон чека до последен момент да го подигне плафонот на долгот.
До затворањето на работата на 25 мај, Министерството за финансии имаше само 38,8 милијарди долари во готовина, според најновите федерални податоци. Тоа, јавува CNN, е намалено од повеќе од 200 милијарди долари претходно овој месец и се приближува до минимумот од 30 милијарди долари.
За споредба, 31 милијардер вредат повеќе отколку што има федералната влада во готовина, според индексот на милијардери на Блумберг.
Некои од нив, како модниот магнат Бернард Арно, вредат многу повеќе. Арно, Французин и претседател на компанијата за луксузни стоки LVMH, има проценета нето вредност од 193 милијарди долари. Милијардерот на Tesla, Илон Маск, вреди 185 милијарди долари, а основачот на Amazon, Џеф Безос има нето богатство од 144 милијарди долари.
Американскиот претседател Џо Бајден и претседателот на Претставничкиот дом Кевин Мекарти постигнаа двопартиски договор за суспендирање на плафонот на долгот .
