Компанијата Lyoness прослави пет години од своето постоење во Македонија. Lyoness за прв пат се појави во Македонија во март 2011 година и од тогаш, па сѐ до денес Lyoness на вистински начин се грижи за своите корисници со можноста за изградба на глобална куповна заедница, како и можноста за заработка од секое поединечно направено купување кај големиот број на нивни трговски партнери.
На прославата на петтиот роденден на Lyoness Македонија, којашто се одржа на 28-ми април во Brick Bar со почеток во 20:30 часот, беа присутни голем дел од нивните трговски партнери и членовите, а директорот на Lyoness Македонија, Радован Витошевиќ ја нагласи синергијата која владее во заедницата.
“Горди сме што за пет години успеавме да воведеме стандарди и да придобиеме голем број на членови, како и трговски партнери. Посветеноста кон секој од нив нѐ прави навистина успешни и знаеме дека нема да застанеме тука“, изјави Витошевиќ.
Во овој период од пет години заедницата на Lyoness достигна бројка од повеќе од 105.000 задоволни членови и повеќе од 500 лојални трговски партнери. На годишно ниво во Lyoness Македонија се регистрираат повеќе од 25.000 нови членови, а за сиот овој успех говори и последната 2015 година во којашто 140 нови трговски партнери се приклучија кон Lyoness Македонија.
Седиштето на Lyoness Македонија се наоѓа во Скопје, на бул. 8-ми Септември 16/1 во Бизнис Центар Хипериум, 2-ри кат.
