Turkish Airlines, една од најбрзо растечките авиокомпании во светот, минатата недела воспостави линија меѓу Истанбул и Дубровник. На свечениот настан во Дубровник присуствуваше директорот за човечки ресурси Абдулкерим Чаи, кој најави дека Turkish Airlines сериозно размислува за купување на Croatia Airlines, пишува Т-портал.
“Ако процениме дека за Turkish Airlines се работи за добра деловна прилика, заинтересирани сме за Croatia Airlines”, пишува Дубровачки вјесник, повикувајќи се на Јутарњи лист.
Тој појаснува дека засега не знаат што ќе се случува.
“Ова е бизнис и засега не знаеме што ќе се случи. Ако се појави добра деловна можност меѓу двете компании, тогаш ќе размислиме за неа”, појаснува Чаи.
