Некои од препознатливите црвени говорници во Велика Британија се трансформираат во мали канцеларии, јавува Reuters.
Компанијата Pod Works е задолжена за пренамената на култните говорници, коишто се опремени со интернет приклучок, телефон, принтер, скенер, како и бесплатно кафе и чај. Првата ваква канцеларија е отворена во Лондон овој месец, а се очекува отворање на уште неколку мини канцеларии низ повеќе градови во октомври.
Користењето на црвената минијатурна канцеларија чини 32 долари месечно.
Бројот на телефонските говорници со текот на времето драстично се намали, а дел од нив се претворени во библиотеки или кафулиња.
