Јапонскиот производител на пиво Asahi Group Holdings ќе купи група источноевропски брендови на пиво од Anheuser – Busch InBev за 7,3 милијарди евра, јавува Ројтерс.
AB InBev ќе ги продаде брендовите Pilsner Urquell (Чешка), Tyskie и Lech (Полска), Dreher (Унгарија) и Ursus (Романија).
Најголемиот светски производител на пиво Anheuser-Busch InBev одлучи да продаде неколку брендови од своето портфолио за да може да го спроведе преземањето на SABMiller за 100 милијарди долари.
Ова преземање за јапонската Asahi е најголем договор до сега и треба да се заврши во првата половина следната година.