Билансот на успех на компанијата Факом покажува вкупна сеопфатна добивка од 18.105.000 денари, во период од први јануари до 31-ви декември 2016 година.
Истиот период претходната година, Факом евидентираше добивка од 2.358.000 денари.
“Во оваа година се остварија вкупни приходи од 1.210.000.000 денари и кај истите има намалување од 6,27% споредено со истиот период од 2015 година, а вкупните расходи изнесуваат 1.192.000.000 денари и кај истите има намалување за 7,38%, споредено со истиот период во 2015 година“, стои во Образложението кон билансот на успех.
Вкупните приходи од продажба, во периодот јануари – декември 2016 година, изнесуваа 1.204.090.000 денари. На домашен пазар отпаѓаат 221.738.000 денари, додека остатокот од 982.352.000 денари се од извоз.
Основна дејност на Факом е проектирање, производство и монтажа на челична конструкција и делови на конструкции, сите видови на заварени носачи и изградба и монтажа на опрема за капитални индустриски и термоенергетски објекти.
