Познатиот готвач Минг Цаи, во подвижен киоск Khil Me, промовира храна што може да убие. Тој на луѓето им кажува дека сендвичите може да предизвикаат парализа, давење, кома, па дури и смрт.
Ова е кампањата на непрофитната организација End Allergies Together, која собира средства за истражување и наоѓање лек за алергија на храна, во соработка со агенцијата BBDO Њујорк.
Готвачот Цаи воедно работи и на едукација и свесност за алергија од храна со која се соочуваат милиони луѓе ширум светот.
Организацијата E.A.T. e основана од родители со деца кои се алергични на некои видови храна. Според оваа организација, едно од 12 деца во САД има алергија на некаква храна, а секои две минути некој доаѓа на ургентно со алергиска реакција на храна.
