Фото: Pexels
Понекогаш клиентите го бараат невозможното, не ве разбираат или ја обвинуваат компанијата за нешто што е надвор од ваша контрола.
Да се излезе на крај со ваков тип на луѓе е прилично тешко, но може да се реши.
Останете смирени
Прво слушајте внимателно и земете ги сите факти предвид. Егото оставете го настрана, бидејќи ваша примарна задача е да го решите проблемот и да го задржите клиентот, а не да излезете победник во ситуацијата. Доколку е можно, пожелно е сета дискусија да ја направите во живо, за да не дојде до дополнително недоразбирање преку мејл или телефон.
Не обвинувајте
Воздржете се од обвинување на клиентот иако греши. Понекогаш за да се изнајде конструктивно решение потребно е купувачот да верува дека е во право. Дозволете му го тоа.
Останете професионални
Најчесто техничките услуги, програмирањето, архитектурата и правото се областите со повеќе “нејаснотии“ за клиентите. Без разлика на која позиција сте, останете професионални, завршете си ја работата и на клиентот гледајте како човек кој едноставно не може да ги разбере работите што вам ви се чинат лесни и бара помош. Со малку поголемо трпение и нејасното ќе се разјасни.
Презентирајте доказ
Понекогаш ќе треба да вложите малку повеќе труд, да ги изнесете на виделина своите таленти и можности, да му дадете на клиентот доказ дека навистина вредите. Презентирајте доказ дека одлично си ја вршите работата. Верувајте дека сето тоа на крајот ќе се исплати.
Понекогаш ќе треба да се откажете
Откако веќе сте ги пробале сите можни начини да го направите клиентот задоволен, дури и кога не бил во право, доаѓа момент кога треба да кренете раце. Здравјето вреди повеќе од сè, па не треба да се жртвувате ако работите едноставно не можат да се поправат.
