Купувањето преку интернет е се поприсутен тренд денес, а во иднина бројот на оние кои купуваат онлајн се очекува значително да се зголеми. Последните статистики ги покажуваат следниве бројки:
Јужна Кореа е лидер во купување на модни парчиња (77%) производи за нега и убавина (66%), пакувани намирници (51%) и свежа храна (37%).
Кога станува збор за книги, канцелариски материјал и музички производи Јапонија води со 79%. Шпанија е прва во букирање на патувања на интернет со 67%, додека Бразил води во купување на потрошувачка електроника, 57%.
Податоците на Kinsta велат дека 43% од онлајн купувачите купувале “од кревет“ 23% додека биле во канцеларија, додека 20% нарачувале преку интернет од бањата или додека биле во автомобил.
Речиси половина од нив или 48% потрошиле повеќе од планираното, односно купиле нешто што не планира додека нарачувале онлајн.
Еве во кои земји најмногу се купува преку интернет и колку пари носат нарачките на годишно ниво:
Кина – 672 милијарди долари
САД – 340 милијарди долари
Велика Британија – 99 милијарди долари
Јапонија – 79 милијарди долари
Германија – 73 милијарди долари
Франција – 43 милијарди долари
Јужна Кореа – 37 милијарди долари
Канада – 30 милијарди долари
Русија – 20 милијарди долари
Бразил – 19 милијарди долари
Фото:Pixabay
