Горивата од полноќ поевтинуваат за 2,50, односно за три денари за литар, одлучи денеска Регулаторната комисија за енергетика.
Бензините поевтинуваат за три денари, па така новата цена на Еуросупер БС – 95 ќе биде 64 денари за литар, додека Еуросупер БС – 98 ќе чини 66 денари. Еден литар Еуродизел (Д-Е V) поевтинува за 2,50 денари и ќе се продава за 56 денари за литар. За исто толку поевтинува и Екстра лесното масло за домаќинство, чија нова цена ќе биде 45 денари за литар.
Малопродажната цена на мазутот М-1 НС се намалува за 3,175 ден/кг во однос на цената утврдена со Одлуката од 24.02.2020 година и со тоа малопродажната цена на мазутот М-1 НС изнесува 30,390 ден/кг.
Фото: Pixabay
