Кино салите ширум светот полека се отвораат за посетите, а високобуџетните филмови во САД повторно им овозможија касите да се наполнат со милиони, пишува CNBC.
Како мерка за спречување на ширење на коронавирусот, кино салите им ставија клуч на вратите, а љубителите на филмската уметност можеа да уживаат само во домашни услови. Но, нештата се враќаат по старо, а доказ за тоа е и филмот Tenet на Кристофер Нолан, којшто на кино салите, само од влезници, им донесе 20 милиони долари само во САД, а на странските пазари дополнителни 78,3 милиони, од кои што 30 милиони долари отпаѓаат на Кина.
Пред избивање на пандемијата, очекувањата на кино салите беа меѓу 35 и 55 милиони долари само на американскиот пазар. Треба да се има предвид дека сега се отворени само 65% од кината во однос на периодот пред пандемијата.
Фото: Pixabay
