Недостигот од пченка во Кина ги принуди трговците да ја увезуваат за да може да им достават на домашните производители на сточна храна и на земјоделците, а резултатот од тоа може да биде силен раст на цените на храната во светот следната година, предупредуваат аналитичарите
Доколку продолжи овој тренд, Кина во оваа земјоделска сезона би можела да биде најголем купувач на житарки и да ја прекине традицијата од снабдување од домашни производители.
Зголемената потрошувачка од Кина и проблемите во другите клучни земји производители влијаеа на зголемување на цената на пченката, пченицата и јачменот ширум светот, што во следните месеци може да предизвика шок во индустрии што произведуваат месо, млеко и млечни производи.
За девет месеци од оваа година, увозот на јачмен, пченка и пченица во Кина се зголеми за 83,3% на 20,86 милиони тони.
Фото: Freepik
