Вработените во Google во САД кои ќе се одлучат за постојана работа од дома, може да очекуваат намалување на платата. Google разви калкулатор за плати што им овозможува на вработените да ги видат ефектите од далечинско работење или преместување во канцеларија.
Google досега не објави планови за намалување на платите на вработените надвор од САД.
Вработените во многу компании докажаа дека е можно да се работи од дома постојано за време на пандемијата на коронавирус. Компаниите од Силиконската долина, од кои некои сакаат да ги вратат вработените во своите канцеларии, експериментираат со структурата на платите на вработените.
Големите технолошки компании, вклучително и Microsoft, Facebook и Twitter, понудија помали плати на вработените на локации каде што трошоците за живот се пониски. Некои помали фирми, како што се Reddit и Zillow, најавија дека ќе им платат на вработените исто, без разлика каде се наоѓаат.
Google соопшти дека нивните пакети за надомест отсекогаш биле специфични за локацијата и дека е развиена нова алатка за да им помогне на вработените да останат информирани кога донесуваат одлука за работа од далечина. Според некои вработени во компанијата, кои не сакале да го откријат својот идентитет, платите би можеле да се намалат за пет до 15 проценти.
Фото: Pexels
