Денес, почесто менување на работа, за една или две години, веќе не е табу како порано. Помала е веројатност луѓето да останат кај истиот работодавец со децении, но тоа не значи дека е широко прифатливо често да се менува работа.
Просечното време што работниците го поминуваат со ист работодавец се намали од 4,2 години во јануари 2018 година на 4,1 години во јануари 2020 година, според податоците на американското Биро за статистика на трудот.
Во тој контекст, четири години може да ви изгледаат како цел живот ако се чувствувате недоволно платени, неценети или неисполнети секој работен ден.
Промената на работа по една година не мора сама по себе да биде лоша. Меѓутоа, ако имате повеќе од една работа со полно работно време, која не сте можеле да ја работите цели 12 месеци, тоа е лош знак за другите потенцијални работодавачи – без разлика зошто сте заминале.
Причината е тоа што високата циркулација на вработените е едно од најголемите трошоци што може да ги направи една компанија, така што менаџерите не сакаат да ангажираат луѓе кои често менуваат работа. Освен финансиските причини, друг голем проблем е што луѓето со човечки ресурси може да се двоумат за вашата способност ако имате невообичаено голем број кратки епизоди на различни работни места.
Меѓутоа, ако сте соочени со лош шеф, стрес или едноставно сте се премислиле за тоа каква работа сакате да работите, нема причина да не размислувате за нова промена.
Повеќето компании сакаат вработени кои останале на едно работно место најмалку три до пет години, бидејќи тоа укажува на одредено ниво на стабилност.
Како да оставите позитивен впечаток
Ако соберете неколку краткорочни работни места во вашата работна кариера, тоа не мора да значи дека барањето работа е осудено на пропаст. Само бидете подготвени да ја прилагодите вашата биографија и да ги објасните вашите причини. Следните стратегии можат да ви помогнат да раскажете привлечна приказна за кариерата.
– Опишете што сте научиле од вашето работно искуство
– Концентрирајте се на позитивните страни
– Пренасочете го разговорот кон иднината
