Всушност, светот одамна не се соочува со инфлацијата како проблем и можеби ги заборавил штетните ефекти од овој економски феномен. И инфлацијата во моментов се поттикнува на многу фронтови, од кои најзначајно е зголемувањето на цените на енергијата на меѓународните пазари на суровини. Како пример, можеме да го споменеме рекордниот пораст на цената на природниот гас, кој веќе ги зеде своите први жртви, меѓу кои беше
производител на ѓубрива што затвори две свои фабрики во Обединетото Кралство поради зголемените цени на суровините.
Дали е потценета опасноста од инфлацијата?
Неодамнешниот пораст на пазарот подразбира „ограничена“ економска штета од делта-варијантата на коронавирусот и „мал“ ризик во однос на инфлацијата, велат аналитичарите на BofA Global Research.
Претседателот на Федералните резерви, Џером Пауел, предизвика „ризични“ пазарни движења со својот говор во „Џексон Хол“ кон крајот на август, бидејќи инвеститорите веројатно го игнорираа потенцијалот за одржлива инфлација додека се шири делта варијантата, според BofA Global Research.
„Ризикот по „Џексон Хол“ подразбира ограничено економско влијание на новата варијанта и ниски ризици за инфлација“, велат стратезите на BofA во извештајот за каматите од минатата недела.
BofA ја разгледува глобалната економија, вклучувајќи ги Соединетите држави и еврозоната, и укажува дека „инфлаторните изненадувања се префрлија многу над изненадувањата од општите податоци“. Ова е особено точно во Соединетите држави, се вели во извештајот, во кој се забележува „позитивен одговор на пазарот кон Пауел“.
Акциите пораснаа и приносите на американските обврзници паднаа како резултат на говорот на претседателот на Федералните резерви на 27 август, а стратезите на BofA сега ги повикуваат инвеститорите да се фокусираат на влијанието на многу позаразната варијанта на коронавирус врз
економија додека продолжува пандемијата „Ковид-19“. Тие рекоа дека „влошувањето на ситуацијата со Ковид“ може да доведе до „дополнително влошување на тешкотиите во снабдувањето и повисока инфлација“.
„Ризикот се зголемува со Ковид-19, бидејќи негативниот и поиздржаниот шок во снабдувањето може да доведе до стагфлација, што пак ја прави нормализацијата на политиката на ФЕД предизвикувачка“, напишаа стратезите.
„Пазарот не изгледа премногу загрижен за ризиците од Ковид и инфлација“.
Се чини дека на пазарите им се допаднаа насоките за каматните стапки на Пауел, бидејќи тој потенцијално ги оддели ФЕД од прекинување на програмата за квантитативно олеснување, која започна минатата година како дел од нејзините итни мерки среде кризата „Ковид-19“, според BofA Global Research.
До крајот на QE (квантитативно олеснување (QE) е форма на неконвенционална монетарна политика во која централната банка купува долгорочни хартии од вредност од отворениот пазар со цел да се зголеми паричната маса и да се поттикнат заеми и инвестиции – н.з.), Федералните резерви ќе почнат да ги намалуваат месечните купувања на државни обврзници и хартии од вредност поддржани од хипотека, вредни 120 милијарди долари, чекори што некои инвеститори се очекува да ги започнат уште оваа година.
Во меѓувреме, инфлацијата се зголеми глобално во 2021 година, велат стратезите на BofA.
„Ова во голема мера се должи на основните ефекти од зголемувањето на цените на нафтата во текот на минатата година, но во некои случаи се зголеми и основната инфлација“, се вели во извештајот.
„Тешкотиите во снабдувањето за време на повторното отворање се уште една причина што теоретски треба да биде привремена, но не е јасно колку долго ќе трае и дали ќе остави потрајни лузни“.
Инфлациските притисоци се интензивираат со забавување на глобалниот економски раст, што е слично поврзано со очекуваните „основни ефекти на заздравувањето на почетокот на годината“, се вели во извештајот.
Но, „се чини дека глобалната економија забавува повеќе од очекуваното“, пишуваат стратезите.
Стравот од стагфлација
Стагфлацијата во 2022 година е сегашниот „доминантен ризик“, според извршниот директор на „Infracap“, Томас Хјум, кој го даде своето мислење за финансиското издание „Блумберг“.
Тековните пазари и понатаму се предмет на страв од инфлација, како и закрепнување на пазарот на трудот во повеќето држави, бидејќи луѓето се враќаат на работа. Според Џеј Хатфилд, основач, извршен директор и менаџер на портфолија во InfraCap, ризикот од стагфлација во 2022 година е најгорливиот проблем со кој се соочуваат пазарите денес.
„Доминантниот ризик што го гледаме во моментов е навистина стагфлација во 2022 година и дека ФЕД ја губи контролата врз инфлацијата“.
Хетфилд истакна дека ФЕД најверојатно ќе треба да ги зголеми каматните стапки најмалку двапати во 2022 година, од каде доаѓа главниот товар на инфлацијата, поточно станбениот и одржливиот сектор на потрошувачите. На крајот, претседателот на ФЕД, Џером Пауел го држи „пиштолот со чадот“ за инфлацијата, рече тој.
За тоа дали сегашните стапки на инфлација ќе се одржуваат на долг рок, додека Федералните резерви продолжуваат да ја оценуваат својата „преодна“ тема, Хетфилд верува дека инфлацијата навистина се забрзува.
Хиперинфлација
Хетфилд, исто така, ја наведе „хиперинфлацијата“ на пазарите на челик како друга причина зошто инфлацијата потенцијално би можела да се искачи на двоцифрени нивоа доколку ФЕД не спроведе агресивна стратегија за намалување. Тој верува дека единствениот начин за ефикасно спречување на инфлацијата е да се започне со покачување на каматните стапки.
„Единственото нешто што ќе го забави пазарот на домување се повисоките каматни стапки“, рече Хетфилд. Откако цените на куќите ќе почнат да растат, луѓето купуваат на шпекулативна основа“.
