Недостигот на чипови веројатно најмногу ја погоди автомобилската индустрија. Иако побарувачката за возила е голема, автомобилските компании немаат доволно компоненти, или чипови, за да можат да ги комплетираат возилата и да ги достават до клиентите. Како резултат на тоа, некои компании испратија работници на одмор, некои привремено затворија фабрики, додека некои одлучија да направат автомобили со деловите што ги имаат и потоа да чекаат остатокот од чиповите да можат да ги комплетираат возилата.
Сепак, некои се одлучија за друга тактика – да испорачуваат автомобили без некои стандардни опции, односно компоненти, а на страницата Popular Mechanic ги наведоа сите опции од кои производителите на автомобили решија да се откажат за нивните клиенти да не чекаат толку долго за испорака на возила.
Во BMW некои од нивните автомобили не ги испорачуваат со екрани на допир. Сопствениците на некои возила на Ford ќе мора да се согласат на компромис дека ако го добијат автомобилот порано, тој нема да има одредени компоненти како сателитска навигација. Сепак, оваа опција ќе може да се инсталира подоцна. Исто така, Nissan нема да инсталира сателитска навигација во некои од своите возила, иако планирале да го направат тоа.
Недостигот од чипови се одразува и кај Мерцедес, а некои од автомобилите (најчесто моделите AMG) кои излегоа од производните линии на почетокот на годинава немаа безжични перничиња за полнење телефони, некои LED светла и аудио системи.
Клиентите на Cadillac ќе бидат разочарани од информацијата дека дел од моделот нема опција за помошник во возењето Super Cruise, а GM мораше да ја отстрани поддршката за HD радио од одредени модели на своите автомобили. Исто така, автомобилите на оваа компанија, во зависност од моделот, нема да имаат затоплување на седиштата и загреани волани и, како и некои возила Mercedes, поддршка за безжично полнење на телефонот.
Недостигот на чипови погоди различни производители, како и голем број опции за автомобили, а со оглед на тоа што состојбата на пазарот (сè уште) не се подобрува, за очекување е дека на пазарот следната година може да има автомобили кои нема да имаат некои опции кои претходно беа стандардни и дел од основната опрема.
