„Енигма“, најголемиот дијамант во светот од 555 карати, продаден е во Лондон за 3,16 милиони фунти (3,8 милиони евра) откако неодамна беше првпат изложен.
Се верува дека реткиот црн или карбонадо дијамант се формирал кога метеорит или астероид удрил во Земјата пред повеќе од 2,6 милијарди години.
Дијамантот од 555,55 карати достигна цена од 3,16 милиони фунти на онлајн аукција организирана од познатата лондонска аукциска куќа „Sotheby’s“.
Карбонадите обично се наоѓаат во близина на површината на Земјата, што укажува на вонземско потекло.
„Се смета дека овој специфичен тип на црн дијамант потекнува или од удари од метеори кои произвеле природно хемиско таложење на пареа или од вонземско потекло – од експлозии на супернова кои формирале астероиди со дијаманти кои на крајот се судриле со Земјата“, соопшти аукциската куќа.
Дијамантот е една од најтешките материи за сечење.
На експертите им требало три години да направат необработен дијамант во скапоцен камен од 555,55 карати, а неодамна беше прикажан во Дубаи, Лос Анџелес и Лондон.
Неговата форма е инспирирана од блискоисточниот симбол на моќ и заштита во облик на дланка, Хамса, кој исто така се поврзува со бројот пет.
„Големината, обликот и изворот на дијамантот „Енигма“ го прават уникатен и неверојатен“, рече Тобајас Корминд, извршен директор на „Mayfair“, најголемата онлајн златара во Европа.
„Повеќето дијаманти се исечени во една од 10-те популарни форми, но обликот „Енигма“ потсетува на рака“.
Карбонадо дијамантите обично не се користи во накит или се продава на аукција, но неодамна стана популарен.
Тие најчесто се користат во индустриското дупчење поради нивната исклучителна цврстина.
„Sotheby’s“ го нарече дијамантот „вселенско чудо“ пред продажбата, кој исто така прифати понуди во криптовалути.
Минатата година во Хонг Конг, дијамантот Key 10138 беше продаден за 12,3 милиони долари, платен во криптовалута.
