Последната ескалација на конфликтот во источна Украина и одлуката на рускиот претседател Владимир Путин да ги признае Доњецк и Луганск како независни републики, влијаеше и на движењата на Московската берза, кои драстично паднаа во текот на денот.
Според рускиот весник Комерсант, настаните доведоа до панична распродажба на рускиот финансиски пазар, поради што Московската берза доживеа пад.
„Во текот на тргувањето, индексот на Московската берза падна за повеќе од 14 отсто, што не е забележано од кризата во 2008 година. „Зголемените ризици од почетокот на војната во Украина ги принудуваат меѓународните и руските инвеститори да го продаваат својот имот во рубљи“, пишува рускиот весник.
Како што се наведува, падот на берзата следел во првите часови од тргувањето. Во првиот час, индексот загуби 2,6-2,8 отсто од вредноста, а ситуацијата нагло се влоши откако портпаролот на Кремљ најави итен состанок на Советот за безбедност на Русија.
„Никој не сака ситуацијата да се повтори за време на кризата на Крим, кога рубљата нагло падна како одговор на настаните што се случија“, изјави Евгеније Шиленков, заменик генерален директор на „ Veles Capital Investment“.