Тековната изложеност на Групацијата Триглав на ситуацијата како резултат на војната во Украина и санкциите против Русија и Белорусија е ограничена и ниска.
Работењето на Групацијата Триглав до одреден степен е изложено на ситуацијата што произлегува од војната во Украина и поврзаните санкции против Русија и Белорусија. Групацијата проценува дека нејзината моментална изложеност е ограничена и ниска и дека неизвесноста во иднина ќе произлезе главно од влијанието на оваа ситуација на финансиските пазари. Во согласност со воспоставената практика, Групацијата ќе продолжи да обезбедува транспарентни информации за јавноста.
Врз основа на расположливите податоци, Групацијата Триглав ја процени нејзината моментална изложеност на војната во Украина и поврзаните санкции против Русија и Белорусија. Последиците од оваа ситуација остануваат неизвесни, што го оневозможува формирањето на сигурна проценка за нивните ефекти врз работењето на Групацијата оваа година.
Групацијата проценува дека директната изложеност на нејзиниот осигурителен и реосигурителен бизнис на војната во Украина е ниска. Дополнително, и изложеноста на реосигурителниот бизнис на Групацијата на санкции наметнати против Русија и Белорусија е ниска. Групацијата, исто така, ја процени директната и индиректната изложеност на нејзиното инвестициско портфолио на тековната состојба. Поради географската диверзификација на портфолиото, директната изложеност на Групацијата кон руските издавачи е ограничена само на обврзници и сочинува 0,3% од вкупните средства на Групацијата. Инвестициското портфолио на Групацијата е индиректно изложено на случувањата на пазарите на капитал како резултат на војната во Украина.
Во сегашната ситуација, Групацијата идентификуваше зголемени сајбер ризици, со кои што соодветно управува во рамките на сеопфатниот систем за управување со ризици.
