Покрај благосостојбата на вработените, на гигантот секако му е важна и „деловна благосостојба“, односно зачувување на финансиите, а оваа насока се покажа како ефикасна во остварувањето на таа цел.
Моќната технолошка компанија веќе две години работи од далечина, што се покажа како добра стратегија од финансиска гледна точка.
Имено, иако повеќето компании ги враќаат работниците на работа, Google можеби нема мотив да го стори тоа. И не, не е само поради благосостојбата на вработените, т.е. нивната желба да продолжат да работат од дома / во хибриден режим.
Лос Анџелес Тајмс пишува дека Google заштедува дури 1 милијарда долари годишно од работа од дома.
Со укинувањето на ограничувањата, сè повеќе луѓе резервираат патувања и хотели преку Интернет, што е многу добро за рекламниот бизнис на Google. Вработените во таа компанија, пак, работат од дома и не патуваат толку многу на сметка на компанијата – а тоа, се наведува, е добро и за бизнисот на Гугл.
Во текот на првиот квартал, матичната компанија Alphabet Inc. заштеди 268 милиони долари во трошоците за промоција на компанијата, патувања и забава, во споредба со истиот период претходната година, што е „првенствено резултат на ковида-19“, според документацијата на компанијата.
Годишно тоа би било повеќе од милијарда долари. Alphabet во својот годишен извештај претходно оваа година соопшти дека трошоците за рекламирање и промоција се намалиле за 1,4 милијарди долари во 2020 година, бидејќи компанијата ги намалила трошоците, паузирала или преместила кампањи и променила некои настани во дигитални формати поради пандемијата.
Трошоците за патување и забава паднаа за 371 милион долари. Внимателноста во врска со пандемијата и овозможи на компанијата да ги задржи своите маркетинг и административни трошоци на ефективно ниво во првиот квартал, и покрај зголемувањето на приходите од 34%.
Гугл е познат и по погодностите како што се маси за масажа, кетеринг и корпоративни одмори, кои влијаеле на работната култура во Силиконската долина. Бидејќи повеќето вработени сега работат од далечина, тие автоматски ги немаат овие бенефиции од март 2020 година.
Се разбира, Google планира да ги врати работниците во канцеларијата подоцна оваа година. Финансиската директорка Рут Порат им кажа на инвеститорите дека компанијата планира „хибриден“ модел, кој ќе распореди помалку персонал од порано. Порат, исто така, рече дека Google ќе продолжи да инвестира во своите недвижнини низ целиот свет.
Така, бидејќи гигантот нема намера да каже „не“ на канцеларискиот простор и сметките поврзани со него, тешко дека и другите успешни компании кои гледаат на бизнисот на американската мултинационална компанија ќе го сторат истото. Она што е, се разбира, поверојатно – е постојана транзиција кон хибриден систем на работа.