Германската компанија Фолксваген објави дека цените за првичната јавна понуда на брендот Порше се поставени на највисокиот целен опсег, со што ова ИПО е на пат да стане едно од најголемите во Европа во последната деценија.
Вредноста на оваа котација покажува дека инвеститорите се убедени дека производителот на класични спортски автомобили може да има успешен бизнис дури и во услови на зголемени каматни стапки и инфлација што влијае на пазарите на капитал, пишува The Wall Street Journal.
Со котација на избраните акции, вредноста на компанијата Порше се проценува на повеќе од 75 милијарди евра или 73 милијарди долари. Ова е во согласност со проценетиот вредносен опсег од 69,7 до 75,2 милијарди евра, што дополнително нагласува дека побарувачката во оваа ИПО е висока и дека бројот на понудени акции е релативно мал.
Благодарение на ова, Porsche ќе биде меѓу петте најдобри производители на автомобили според пазарната вредност. Фирмата ќе се рангира зад нејзината матична компанија Фолксваген, но пред Мерцедес-Бенц, најголемиот германски конкурент, чија вредност изнесува повеќе од 56 милијарди долари. На врвот на оваа листа е Tesla со пазарна вредност од 886 милијарди долари, а по неа е јапонската Toyota Motor.
Осврнувајќи се на иконскиот модел на спортски автомобил 911 на Порше, Фолксваген издаде 911 милиони акции на Порше, рамномерно поделени помеѓу приоритетни акции без право на глас и обични акции со право на глас. 25 отсто од приоритетните акции на Порше или околу 12,5 отсто од целата компанија се на продажба по цена од 82,50 евра по акција. Меѓу инвеститорите се Катарската инвестициска управа, главен акционер на Volkswagen, норвешката Norges Bank Investment Management, T. Rowe Price и ADQ, инвестициската гранка на Владата на Обединетите Арапски Емирати.
Се очекува акциите да започнат со тргување во четврток на берзата во Франкфурт.
Според банкарите и инвеститорите, компанијата Порше имала добри финансиски резултати. Заработката на производителот на автомобили минатата година изнесуваше 33,1 милијарди евра, со промет од 16 отсто, што е зголемување во споредба со 9,7 отсто за време на финансиската криза во 2009 година.
