Да се биде најзборливиот човек во собата може да биде добар начин да го привлечете вниманието на луѓето, но тоа не мора да значи дека ги имате најдобрите идеи.
Како невронаучник, Фридерик Фабрициус има работено со големи компании како Гугл и Делоит – за тоа како да се привлечат и задржат врвните таленти.
– Открив како работодавците имаат тенденција да ги фаворизираат екстровертите. Но, има некои изненадувачки предности што интровертите ги носат на маса и тие не треба да се игнорираат, вели Фабрициус.
Интровертите размислуваат повеќе
Сивата материја на мозокот служи за обработка и ослободување на нови информации во мозокот. Студијата на Харвард покажа дека мозокот на интровертите работи поинаку и има подебела сива материја во споредба со екстровертите.
Кај оние кои се екстремно екстровертни, сивата материја е постојано потенка, па интровертните луѓе (вработените) покажале поголема активност во фронталните лобуси, каде се одвиваат анализи и рационално размислување.
Друга студија која ги скенирала мозоците и на интровертите и на екстровертите покажа дека, дури и во опуштена состојба, мозокот на интровертите е поактивен, со зголемен проток на крв.
Интровертите можат подолго да се фокусираат
Кога Алберт Ајнштајн – познат интроверт – бил дете, неговите учители мислеле дека е тивок осаменик, „изгубен во сопствените мисли“. Ајнштајн рекол: „Останувам подолго со проблемите“.
Оваа способност за интензивно фокусирање е клучна карактеристика на интровертите, кои често имаат попроширен фокус од екстровертите. Бидејќи уживаат да го поминуваат времето сами, тие се поподготвени од екстровертите да ги вложат часовите потребни за да ги совладаат вештините.
Интровертите често се „надарени“ во одредена област
Во просек, интровертите и екстровертите се исти во однос на интелигенцијата. Но, статистиката покажува дека околу 70% од надарените луѓе се интроверти.
Според некоја утврдена дефиниција, се вели дека некој е надарен кога покажува натпросечна интелигенција или супериорен талент за нешто, како музика, уметност или математика.
Ако на вашето работно место доминираат екстроверти кои ги критикуваат оние кои претпочитаат да работат сами – или прескокнуваат коктели после работа – дека не се „тимски играчи“, ова може дополнително да ги отуѓи талентираните луѓе.
Интровертите ја прават вистинската работа
Интровертите имаат тенденција да бидат помалку под влијание на надворешни настани и повеќе водени од нивниот внатрешен морален компас. Студијата од 2013 година за социјалната усогласеност покажа дека екстровертите се повеќе подготвени да се усогласат со мислењето на мнозинството, дури и ако тоа е погрешно.
Таквите личности, почесто од интровертите, се подложни на социјален притисок, а истражувачите заклучиле: „Колку е поголем притисокот, толку е поголем бројот на соодветни одговори дадени од екстровертите“.
