Кинеските инвеститори значително ги намалија инвестициите и купувањата на компании во Европа во последната година поради тензиите во меѓународните односи и мерките за сузбивање на пандемијата во матичната земја, се наведува во студијата спроведена од агенцијата Ернст и Јанг (EY).
Минатата година кинеските инвеститори забележаа 139 трансакции за преземање и инвестиции во европски компании, што е значително помалку од претходната година.
Сепак, вредноста на тие 139 трансакции беше само 4,3 милијарди долари и беше речиси две третини помалку од 2021 година, проценува EY, истакнувајќи дека куповните цени во повеќето случаи не се обелоденуваат.
Моментално нагласената кинеска воздржаност е особено јасно изразена кога минатата година ќе се спореди со рекордната 2016 година, кога EY изброја 309 кинески аквизиции и инвестиции од кинески инвеститори во Европа, со вкупна вредност од 92 милијарди долари, пишува dpa.
