Овој месец, екстремните топлотни бранови во Тексас и другите јужни американски држави, токсичниот воздух предизвикан од шумските пожари на северот и екстремните бури долж источниот брег – предизвикаа многу судири во економијата.
Во исто време, американската економија веќе некое време оди „наназад“, исто како и глобалната.
Со други зборови, оваа клима и екстремните температурни промени, природните катастрофи и сушите ѝ штетат на економијата, а според професор по географија на колеџот Дартмут – „сето ова секако не обезбедува стабилност што би ѝ овозможило на Америка да избегне лизгање во рецесија“.
Глобалното затоплување е сериозна закана за екосистемите, економијата и луѓето.
Повеќе од 90 милиони луѓе, главно долж источниот брег на САД, беа изложени на ризик во понеделникот, 26 јуни, бидејќи системот што произведе речиси 400 извештаи за бура во неделата се пресели на исток. Уште 40 милиони луѓе во седум јужни држави беа ставени под предупредување за топлотен бран во понеделникот, бидејќи бруталниот топлотен бран во Тексас продолжува да се шири.
Потсетуваме, последователната суша во Европа ја погодува и економијата на земјите како Шпанија, Италија и Франција, кои се големи производители и извозници на маслиново масло и вино, а и Швајцарија се соочува со пеколни 36 степени – нечуено во таа земја .
Генерално, најмалку една третина од населението на САД моментално се бори со екстремни временски (не)можности. Тоа доаѓа како додаток на девет потврдени временски и климатски катастрофи во САД досега оваа година, со загуби над 1 милијарда долари, според Националната администрација за океани и атмосфера (NOAA).
Само тие девет настани изнесуваат околу 23,7 милијарди долари штета за американската економија, открија истражувачите, а некои аналитичари велат дека „грубо го потценува долгорочното влијание“. Во 2022 година, екстремните временски настани ги чинеа САД околу 165 милијарди долари, според податоците достапни од NOAA.
Колку овие настани дополнително ќе ја чинат најголемата светска сила, сè уште не се знае точно. „Природата на овие крајности е што тие се шират низ нашите економии на начини што ние не ги разбираме целосно“, објасни професорот Џастин Менкин.
Знаеме да кажеме дека се многу штетни, но во однос на нивните реални трошоци и колку долго се акумулираат тие трошоци, тоа е нешто со кое ние во истражувачката заедница сè уште се занимаваме; особено кога се во прашање топлотните бранови.
Тој додава дека токму топлотните бранови предизвикуваат шок во економијата.
Тексас веќе губи околу 30 милијарди долари годишно во продуктивноста поради неговата топла клима, според извештајот на NOAA, кој предвидува дека тој број ќе скокне на околу 110 милијарди долари годишно до 2050 година, или 2,5% од економијата на Тексас.
Во исто време, не страда само земјоделството, туку и воздухопловната индустрија. Southwest Airlines ги наведе екстремните временски услови како растечка закана за компанијата откако невремето во декември ги чинеше речиси 1,2 милијарди долари.
– Без разлика дали се работи за урагани, зимско време или дожд/грмежи, сега мораме да имаме процес на планирање кој вклучува резултати кои се над она што сме го виделе претходно. Тоа е големо нешто за нас – изјави извршниот директор Ендрју Вотерсон.
Земјоделството, градежништвото, туризмот и секторите за обновлива енергија, исто така, имаат тенденција да го почувствуваат товарот од екстремните временски услови.