![apple-gbe322fc4c_640](https://biznisinfo.mk/wp-content/uploads/2023/07/apple-gbe322fc4c_640.jpg)
Европската унија одвои повеќе од 400 милиони евра за високообразовните институции во Европа. Парите се наменети за институциите од мрежите на програмата Еразмус+ во следните четири години.
Според соопштението на Европската комисија, мрежните високообразовни институции соработуваат во областа на образованието, истражувањето и иновациите долгорочно и надвор од границите на својата земја, пренесува германската агенција ДПА.
Повеќе од 430 образовни институции од сите земји-членки на ЕУ, Исланд, Норвешка, Албанија, Босна и Херцеговина, Црна Гора, Северна Македонија, Србија и Турција работат во 50 програмски мрежи.
Високообразовните институции соработуваат и со невладини организации, компании, регионални и локални власти.