Karma минува низ фаза на реосмислување, претставувајќи го новиот Kaveya, заедно со освежениот Revero и уште едно електрично возило
Karma Automotive се обидува повторно да се позиционира на пазарот со целосно новиот Kaveya. Претставен за време на изминатиот викенд, Kaveya е дизајниран да биде ексклузивен, напреден и посакуван „супер купе GT“. Претседателот на Karma, Маркес Меккамон истакна дека сака автомобилот и другите идни производи „да ја обноват љубовната врска на купувачите со автомобилите“.
Купето прикажано во Лас Вегас е „целосно функционален прототип“ со елегантно тело од карбон што комбинира меки облини и затегнати површини. Од Karma Automotive не навлегоа во спецификациите, но потврдија дека моделот има скриени фарови кои потсетуваат на скокачките единици од минатото. Сепак, на Kaveya, тие се скриени зад вратата што се лизга „во внатрешноста зад хаубата“ пред да бидат целосно откриени.
Меѓу останатите впечатливи елементи, треба да се истакне необичното предно стакло, стаклениот покрив и она што изгледа како задно крило што се повлекува. Можеме да видиме и 19-инчни тркала кои се аеродинамички оптимизирани и обвиени во гуми Michelin.
Во однос на големината, моделот е долг 4.768 милиметри, широк е 2.002 мм и висок 1.255 мм со меѓуоскино растојание кое опфаќа 2.718 милиметри.
Karma тврди дека автомобилот ќе има погон на сите тркала, како и комбинирана моќност од 1.196 КС и 1.720 Nm вртежен момент. Од компанијата сугерираат дека купето од околу 2.404 килограми ќе може да забрза од место до „стотка“ за помалку од три секунди и да достигне максимална брзина од околу 290 километри на час.
Моќта доаѓа од пакет батерии од 120 kWh, кој ветува дека ќе испорача опсег поголем од 402 километри. Производителот на автомобили беше нејасен за дополнителни детали, но рече дека автомобилот ќе може да се полни од 10-80% за 45 минути.
Производството ќе биде ограничено, а Karma рече дека „од овој момент, има преостанати само 353 единици“. Производителот на автомобили моментално прифаќа резервации за 10.000 долари.
Најавен и престојниот Gyesera
Покрај претставувањето на Kaveya, Karma објави тизер за претстојната Gyesera. Очигледно ќе биде попристапен и помалку ексклузивен бидејќи компанијата предложи дека ќе бидат достапни најмалку 2.125 единици.
Наведен е како „прв целосен BEV туринг седан“ на Karma и ќе има панели од алуминиум, како и карбонски влакна. Моделот исто така треба да биде долг 199,9 инчи (5.077 mm) со меѓуоскино растојание кое опфаќа 124.4 инчи (3.160 mm).
На планот на перформансите, компанијата вели дека автомобилот ќе има комбинирана моќност од 590 КС 598 КС и 939 Nm вртежен момент. Од Karma велат дека ова треба да му овозможи на моделот да забрза од место до „стотка“ за помалку од 4,2 секунди, пред да постигне максимална брзина поголема од 217 км/ч. Производителот на автомобили додаде и дека Gyesera ќе има пакет батерии од 120 kWh што обезбедува опсег на повеќе од 402 километри.
Моделот се планира да пристигне кон крајот на следната година.
Преземено од Avtoplus.mk
