Новиот целосно електричен и достапен модел на Renault се очекува да биде поевтин од R5, но поскап од Dacia Spring
Малите и ценовно достапни електрични возила стануваат растечки тренд кај автомобилските производители, а Renault не сака да го игнорира сето тоа. Покрај претстојниот Renault 5 чија стартна цена ќе биде под 25.000 евра, француската компанија наводно работи на уште помал и поевтин модел кој треба да пристигне во 2026 година како влезна точка во електричната постава на марката.
Сè уште неименуваниот електричен автомобил ќе служи како замена за Renault Twingo кој е на пат да биде укинат. Инсајдерски извори сугерираат дека ќе се гради во фабриката на Renault во Ново Место во Словенија, каде во моментов се произведува Twingo.
Не е јасно дали моделот ќе ја дели архитектурата CMF-BEV со Renault 5, кој ќе има должина од 3,92 метри но сигурно ќе има помал отпечаток. Ривалите во А-сегментот ќе ги вклучуваат претстојните VW ID.1, Citroen e-C3, Fiat Panda, како и се уште непотврдените електрични возила на Hyundai и Opel за кои подолго време се шпекулира. До одреден степен, може да се натпреварува и со Dacia Spring, кој моментално е најевтиниот електричен автомобил на Renault Group, но Renault најверојатно ќе понуди повисоки нивоа на квалитет и префинетост.
Демократизација на електричните возила
Во претходно интервју за Autocar, извршниот директор на Renault, Лука де Мео, ги откри плановите за „демократизација“ на сопственоста на ЕВ во Европа. Тој, исто така, откри дека концептот на јапонските кеи автомобили послужил како инспирација за новото ЕВ на Renault, иако преведено на „европски јазик“.
Иако се шпекулира дека лансирањето на новиот ЕВ на пазарот може да биде за две години, според инсајдерски извори сепак тој би можел да дебитира во среда, 15 ноември, за време на денот на инвеститорот на единицата Ampere EV на Renault. Reuters известува дека овој потег ќе помогне за берзанската котација на новата единица, во услови на извештаи за слаба побарувачка за електрични возила и зголемена конкуренција од Кина.
Ampere на Rеnault ќе лансира 6 нови ЕВ до 2030 година, вклучувајќи го и супермини R5 во 2024 година, теренецот R4 во 2025 година и помалиот урбан ЕВ во 2026 година. Цените за второто не се откриени, но шансите се дека ќе започне од околу 20.000 евра, премостувајќи го јазот помеѓу Dacia Spring и претстојниот Rеnault 5.
Преземено од Avtoplus.mk
