Производителот на нафта од шкрилци Diamondback Energy објави дека ќе го купи најголемиот приватен производител на нафта и гас во таканаречениот пермски басен, Endeavour Energy Partners, во зделка вредна околу 26 милијарди долари, пишува CNBC.
Комбинираната компанија ќе биде трет по големина производител на нафта и гас во Пермскиот басен (најголемото американско нафтено поле од шкрилци во Тексас и Ново Мексико), зад Exxon и Chevron, кои објавија неодамнешни договори.
Договорот доаѓа во време на бран на консолидација во плодниот Пермски басен за да се зголеми производството. Најголемото спојување беше во 2023 година кога Exxon ја купи Pioneer Natural Resources во зделка вредна околу 60 милијарди долари.
Договорот за купување на Endeavor се состои од околу 117,3 милиони акции на Diamondback и 8 милијарди долари во готовина.